Hlasak Thiam Po Po Nih Madalay I A Tuahmi One Lady Show Ruangah A Mawtaw Pon A Timh

Kawlram hlasak thiam Po Po cu kan hnulei te ahkhan Mandalay khua ah One Lady Show a tuah i cu a tuahmi cu Anuhpingia lei mit in cun a miak tuk ko nain phaisa lei in cu a miak baklo nak kong a chim.Puai an tuah mi hi Anuhpingia lei in tuak ahcun teinak nganpi a hmuh ko nain phaisa lei in tuak ahcun a sung ngaingai. A sinain cu puaipi cu aa dawh chung dawh le a tthat chung ttha special taktak in amah aa ruahchan ning tein an lim khawh nak kong zong a rak chim.Tuc lio cu Coronavirus zawtnak he zong aa tong cun camipuai phit lai zong a si tikah a zohtu mipi an tlawm deuh i a dihmi a zin hmanh a chuah khawh lonak kong a rak chim hi asi. Cun a tirih mi cu mah puai aa timh thawng hin a miak hmuh ding in a rak i timhlo nak kong, hibantuk puai tuah hi a fawi lonak kong, a voikhatnak One Lady Show a tuahmi a si caah aa lung hmuih tuknak kong pawl zong a rak chim chih rih.

Mah puai an tuahnak ah a dihmi hi ting 650 le 700 kar hrawng a dih i leiba zong tam ngai ka ngei tiah Po Po nih cun a chim. Cu leiba cu a tu lio aa citmi a mawtaw zuar in leiba cham aa timhnak kong zong a rak chim chih rih. Mi leiba va bat a duh lonak le mawtaw a zuar in a leiba a cham hnu ah model thar a ba in aa cawk tthan te ding kong zong a chim rih.

Hlasak thiam Po Po hi nulepa a ngei ti lo mi ngakttah fate a si ve i a tu a dirhmun a phak zong hi amah tein aa zuamnak thawng in a phan kho mi a si ve. A tu ahcun inn le mawtaw studio tiang zong in aa ngeih ve cangmi a si.