Minung Si Komi Sal Bantuk In A Tuahtu Saudi Ram I Company Pakhat Cu Mipi Nih Fak Tuk In An Soisel

Minung Si Komi Sal Bantuk In A Tuahtu Saudi Ram I Company Pakhat Cu Mipi Nih Fak Tuk In An Soisel

Saudi ram i zinan company pakhat a simi Aramco cu fak taktak in soisel a tong. Mah company nihcun an rianttuan tu pa pakhat cu sal bantuk in thil an tuahter mi ruang ah vawlei pi nih fak tukin an soisel cio hi asi. Mah rianttuan tupa cu aa chawkmi Hand Sanitizer chiahnak seh ah an hman.

Cupa cu an chawhvah ter i mi a kal mi kip sinah kut i thianhnak cu a va vahpi. Mah company nih aa hmaithlakmi tu cu tulio Covid-19 zawtnak hin mikip nih ralrinnak ah seh tiah thilttha kan tuah an ti ko nain midang mithmuh tu ahcun zohchia ngai a rak si ve diam. Mah i an tuahter mi pa zong cu a hmaichiat bu te le hmaipanh lo ngai bu tein an fialmi cu a tuah ve.

An company pawngte ah zangfak tlai te khin a dir i cuti a dir ko lio ahcun Arab capo seihthiam pakhat nih hman a rak thlak. Cu hman a thlakmi cu Twitter cungah a tar i ruahlo tuk in mipi nih an share in an zoh. Sihmanhsehlaw cubantuk in mah hmanthlak an share mi cu tthatnak lei cu a si lem lo.

Aroma company thiltuah cu mi a thongthong nih an volhpomh cio i an soisel tuk hna pin ah micheu le bang nihcun a tlerh zong an tlerhkhonh hna. Company lei in ngeihthiam hal ding tiang in nawl an hal hna.

Aroma company rianngeitu pawl zong nih hibantuk thil hi a theih zong kan thei lo nain a taktak a si ko ahcun hi bantuk thil cu thil tthalo taktak a si i hi thil a tuahtu cu dantat ding in kan i zuam lai tiah nawlnak an tuah ve tthan.