Mipa Pakhat nih Comment Pakhat A Pekmi Cungah Sai Sai Kham Leng A Thin A Har

7day News Journal nih Wuhan Virus ruangah Sai Sai birthday show a tuah tthan lai lonak kong cu a van ttial i cu a ttialmi ahcun Tatka Moe Nyo nih comment a rak pek ve.Cu a comment mi cu ”Phaisa kawlnak group in live rak thlah law si ko cuh. Pathian  Pathian Sai Sai a theihsual live a thlahtak men ko lai Wuhan zongah mah te lawng cu harsa ngai in a ummi a si ve.” tiin a rak comment.Mah a comment tang ahcun Sai Sai nih reply a tuah i ”Tatka Moe Nyo phaisa kawlnak group ka ngei lo. Sayapa nangmah hi kan theihmi na si i na ka capo tawn mi zong hi ka hmuh tawn ko. Capo hi cu a poi lo. A tu i na timi phaisa kawlnak group hi cu ka ngeih lomi le ka tuah balmi a si lo caah mi nih nangmah bantuk in hibantuk comment na ttial mi hi an in ruahpalh sual lai ti ka phan ruangah ka rak chimfianhnak hi a si upat nak he”tiah a rak leh ve.

Tatka Moe Nyo hi kan hnulei Naypyitaw ah Victoria timi ngakchia nute tlaihhrem kongah tleihhrem a tongmi ngakchia nute chung lei in a cawlcang i mipi nih an upat ngaingai mi pakhat a si ve.

Sai Sai nih cu ti ca a leh hnu ah Tatka Moe Nyo zong nih a facebook timeline cungah Sai Sai cu ngaihthiam halnak ca in a leh ve tthan. Sai Sai Kham Leng ngeihthiam kan hal. A hnu cun ka theih lomi kongah kaa thlak ti lai lo. Ka theih taktak mi ”a bah” kum kong lawngah kaa thlak cang lai” tiah a timeline  ah a ttial tthan hi asi.

Tatka Moe Nyo nih a ttialmi tangah Sai Sai Fan pawl nih Tatka Moe Nyo cu an biachia kha in an rak tthuat len ve.