Ruak Thlahnak Lam Kongah Khuami le Palik Pawl An Buai I Minung Pakhat Meithal Kah A Tong

Ayerawady ramtthen Kyung Bwe Myone Zin Pyone Kone khua ah tuchun zingka hrawng ahkhan khuami hna cu ruak thlah ding in thlan lei ah an kal i lampi ah palik pawl nih lam an rak kham hna ruangah buainak a chuak.

Cuti palik pawl nih lam an kham ruangah ruak a thlahmi khuami hna cu an lung a tling lo i buainak a chuak. Curuangah palik nih meithal in an kah hna ruangah minung pakhat a thi i phungki pakhat hliamhma a tuar.

Hi hna khua hi cu hlan zongah ruak thlah ah hin an buai pengmi an si hna i palik nih ttuanvo an lak tawn hna tiah mitam pi nih an rak chim. Khua khat chungah lung aa khat lomi an um i an khuabawi pa nih ruak thlahnak caah tiin lam a ser piak ko hna nain cu lam zong cu zul duh lo in an rak um hna.

An khua ah hin mibu tthen hnih in an um i an khuabawi pa nih ruak thlahnak a tuah piak hna mi lam cu khatlei nih an zulh ah khatlei nih buainak an rak kawl ve tawn. An zulh lo zong ah le khatlei nih buaihnawh mah ti cun an um tawn ruangah mi an thih i ruak an thlah poh ah palik nih ttuanvo an lak piak tawn hna hi asi.video