Sai Sai Mos Nupi Tam Lak Te A Ngeihnak Kong A Chimphuangtu A Nupi

Hlanchan in tuchan tiang mipi thazang pek a tong ngaimi hlasak thiam Sai Sai Mos cu hla ttha ttha tampi a ngeimi asi. A sakmi hla pawl hna cu Shan hla deuh an si hna i mipi thinlung a la kho taktak. Sai Sai Mos hi nupi tampi a ngei tiah mipi nih an rak chimcaih ngaimi hlasak thiam pakhat a si.

Sai Sai Mos cu anai te ahkhan a dam lo ruangah sizung ah saupi aa thlopbul. Nupi tampi a rak ngeimi asi tibantuk in sizung a rak um lio zongah nu dang sin in a hrinmi a fa le zong nih an rak zoh i an rak conghhramh ve.

A tu i a nupi nih nizaan ah hitihin ca a rak ttial. Atu le atu a hal mi an tam caah a vun ttialnak a si. A pasal Sai Sai Mos nupi tampi a ngeih le ngeih lonak kong ah hal a tamtuk i Facebook cungah hitin a rak langhter.

”A ka halmi nan tam tuk i a voikhat nak a nupi Nan Moe Moe Aye he hin fanu pahnih an rak ngei. A pahnihnak Nan Maui Phong he fapa pathum an ngeih hna tthan hna i pakhat nih a thih tak hna. Pathumnak ah Naan Moh San he fanu pakhat an ngei. Palinak ah Nan Loh Loh he an i um i fa an ngei lo. Panga nak Khe Lar Moe he fapa pahnih an ngeih hna nain pakhat cu minute15 te lawng a nung manh” tiah tling tein a rak ttial.

Nipu panga a ngeih hna i fanu fapa 8 a ngeih hna pathum nih a thih tak. Tufa pa 9 a ngeih hna tiah a mah San San Mos nih achim ning tein a rak ttial mi a si.

A tu a nupi Khe Lar Moe le a fapa tiin yangin ah an um lio a si. Sai Sai Mos nupi nih Yangon ah ummi a si nak le hlan lio nupi tam tuk a ngeimi asi a theihlo nak kong a rak chim ve.