Tedim mizaw: Virus a ngelo tinak si lo, a zual tuk lo bia tu a si

Tulio zawtnak virus hi a ngandamnak a tha komi mino caah cun tihnung tukmi a si lo, tampi cu an zawt le zawt lo hmanh an i thei lo, an dam than dih ngawt ko. Mino a thimi an tlawm ngaingai.

Tedim ah a zawmi kan unau pa zong hi a taksa a tha ngaimi tlangval a si. A ngandamnak immune system a tha caah virus nih fak piin a deng lo, tlangrai bantuk in a zaw i tuhi cu a dam ngai cang. Yangon ah a zawmi pa lebang cu a zawt le zawt lo hmanh ai thei lo ti a si.

Anmah lawng si lo, vawlei cung hmun kip ah virus a ngeimi minung tingkhat leng cu an dam than(fully recovered) cang.

A zual lo, panh ngai in video call a chawn khawh ruang men ah zawtnak a ngeilo tiah cheukhat nih kan ruahsual ahcun kan palh ngai lai.

Hi zawtnak cu ngandamnak a tha ti lomi kum upa caah tihnung khunmi a si, hi ruang ah ram tha tampi ah cun tar vialte a dang tein a himnak ah an chiah/isolate hna. Mino le kum upa an then hna.

Kan unau pa i a khuami hna nih an khua ah zawtnak a um timi an cohlang kho rih lo, ‘kan dam dih ko cu ta’ an ti ve. Nain hi zawtnak cu rianrang in symptom a langmi a si lo, ni 14 chung an result zoh a haumi a si.
Credit: Salai Lungthli Tum