US Cu A Dang Harsatnak Nih Fak Tak Tak In A Den Than

A tu lio zawtnak tih nung coronavirus nih US cu fak tak tak in a den lio ah a dang harsatnak nih nizan nithum ni ah a den than rih. Nizan nithumni ah US Utah County ah 5.7 magnitude in lihninnak a chuak. 1992 in a tutiang ah a chuak mi lihninnak ah a tu a chuak mi 5.7 magnitude hi a fak bik tiah an ti. Mah lihninnak a chuak mi ruangah a thi mi cu an um lo.

Nain inn a rawk mi le thil ri a rawk mi cu a um tiah riantuan tu hna nih an langhter. Mah lihnin lio ah hin inn chung ah a um mi pawl cu lam lei ah an zaam hna. Mei zong a mit, Vanlawng bual zong an khar, inn lian mi pawl zong a rawk mi an um, Salt Lake Temple zong a rawk tiah riantuan tu lein an langhter chih.