BAWMH HALNAK

Gangaw (Kan Kaw) khua a ummi kan Laimi nu Me Zin Oo (Kum 12) cu a lung a awng (VSD) i cuhlei ah a cuap lei in a lung ah a rak kirmi thihri kha a bit tuk caah Yangon Children Hospital ah nizan kha an khuai. A lung a ttha lomi asi caah a thitha nih a tlinh lo caah operation tuahnak ah thi kha hlut a hau.

Hi hngakchia nu hi a thi “A” asi. Nizan ah khan “A” thisen a ngeimi minung 7 ka kawl piak hna nain, kum 18 an tlin lo caah minung 3 lawng kha sizung nih thi hlut nak nawl an peek hna. Cuhna cu Khun Khun, Daniel le Mikhal an si.

Atu operation an tuah hnu zongah thi hlut a herh tuk tthan, thi rawnh chap a herh tiah sizung nih thawng an thanh tthan. Minung 4 nih an hlu rih a hau tiah an ti. Cucaah kan Laimi Yangon khuasami hna, “A” thi na ngeih ahcun hi hngakchia nu hi na rak bawmh ve nakhnga kan in nawl.

Keimah le kan nu telh in kan campus chung a ummi vialte nihcun hlu dih kan duh ve nain “A” thisen a ngeimi kan um ti hna lo caah thi group ai dangmi in peek kha sizung nih an duh lo caah zeitihmanhin kan bawm kho lo. Thi group dang in kan in peek hna lai ti zongah sizung nih an duh lo.

“A” thi a ngeimi nih khua faakpiin tuchun hrimhrim ah khua rak ruat dingin kan in nawl hna.

Messenger in rak kan chawnhbiak khawh kan si.

Mi nunnak khamh cu a sunglawi tukmi rian a si
Credit; Aung Myint Thang